Робототехника саласында мансапты қалай бастау керек: мамандықтар, университеттер және пайдалы ресурстар

Сұранысқа ие мамандықтар

— инженер-робототехник: роботтарды, оның механикалық, электронды және бағдарламалық құрамдастарын құрастырады және әзірлейді

— роботтар бағдарламашысы: роботтарды басқару және бақылау үшін бағдарламалық қамтамасыз етуді жазады, соның ішінде алгоритмдер мен жасанды интеллект жүйелерін әзірлеу

— биомедициналық инженер: медициналық роботтар мен диагностикалау, хирургия және терапия үшін құрылғылар әзірлейді

— жасанды интеллект маманы: роботтардың функционалдылығын жақсарту үшін машиналық оқыту мен нейрондық желілер алгоритмдерін әзірлейді және енгізеді

— педагог: студенттерді немесе оқушыларды робототехниканың және роботтарды бағдарламалаудың негіздеріне үйрететін маман.

Университеттер

Nazarbayev University, «Робототехника және мехатроника»

Turan University, «Интеллектуалды робототехника»

Satbayev University, «Робототехника және мехатроника»

Әл-Фараби атындағы Қазақ ұлттық университеті, «Робототехникалық жүйелер»

Онлайн-курстар

«Робототехникаға кіріспе» University of Pennsylvania-дан

Бұл алты курс сериясы, ол сізге роботтардың қозғалысының негіздерін, олардың кедергілерден өтуді және күрделі жағдайларда жұмыс істеу қабілетін үйретеді. Курсты аяқтағаннан кейін сіз басқа қозғалыстарды орындау үшін роботты бағдарламалауды үйренесіз.

Ұзақтығы: 3 ай
Бағасы: тегін

Autonomous Mobile Robots ETHx-дан

Бұл курс мобильді роботтардың қозғалысына, кинематикасына, қоршаған ортаны қабылдауына, ықтималдықтық локализация мен картографиялық әзірлеуге, сондай-ақ қозғалыс жоспарлауына басты назар аударады. Курстың дәрістері мен жаттығулары әртүрлі робот түрлерімен таныстырады, мысалы, дөңгелекті роботтар, аяқты роботтар және дрондар.

Ұзақтығы: 4 ай
Бағасы: тегін

«Робототехника» ColumbiaX-дан

Бұл курста сіз 2D және 3D кеңістік қатынастарын, біртекті координаттарды қалай көрсету, қолды қалай манипуляциялау, роботты бағдарламалау және роботтар үшін нақты және болашақ қолданбаларды әзірлеу туралы білесіз.

Ұзақтығы: 3 ай
Бағасы: тегін

Robotics: Kinematics and Mathematical Foundations PennX-дан

Бұл курс жоғары деңгейдегі курс, инженерлік немесе ұқсас саланың бакалавр дәрежесі бар студенттерге арналған. Курс робототехника, мобильді роботтар және басқа роботтандырылған платформалар туралы негізгі мәселелерді қалай сипаттауға, талдауға және сыни тұрғыда ойлауға болатынын үйретеді.

Ұзақтығы: 3 ай
Бағасы: тегін

Пайдалы YouTube-арналар

Engineering Insiders

Бұл арнада барлық инженерлік мәселелер үшін әмбебап шешімдер жинақталған. Студент-инженерлер мен энтузиасттарға арналған пайдалы ақпараттар, қарапайым анимация арқылы түсіндіріледі.

Nikodem Bartnik

Автор робототехника, электроника, 3D-баспа және бағдарламалауды талқылайды. Ол барлық инженерлік мәселелерге арналған пайдалы кеңестер мен шешімдерді бөлісіп, түрлі жобаларды жасау бойынша қадамдық нұсқаулар көрсетеді.

JoshBuilds

Бұл арнада автор қол жетімді материалдардан жасалған жобаларды қалай жасау керектігін көрсетеді. Ол ховербордтар, дрондар, күн энергиясымен жұмыс істейтін бұйымдар және басқа да заттарды қалай жасау керектігін түсіндіреді, сондай-ақ пайдалы кеңестер береді.

Robotix with Sina

Хирургиялық робототехника бойынша тәжірибелі инженер-бағдарламашы, ғарышта қашықтан хирургия жасауға арналған робот жасаған. Өз арнасында инженер-робототехник болу жолдарын түсіндіріп, roadmap-пен бөліседі.