O‘zbekistonning mashhur IT-bloggerlari sharhi: texnologiya sohasida rivojlanish uchun foydali Telegram-kanallari

Стартап-Чайхана 2.0

Bu yerda startaplar uchun imkoniyatlar, loyihalarni rivojlantirishga yordam beradigan turli tadbirlar haqida ma’lumot topish mumkin. Bu startap sohasida ilhom va yordam izlayotganlar uchun ajoyib manba.

Rustam-Z | Cracking MAANG

Rustam sohaga yangi kirib kelganlar uchun ham, tajribali mutaxassislar uchun ham asqotadigan foydali ma’lumotlarni obunachilar bilan baham ko‘radi. Uning kanali IT-sohasida karyera qilish, yumor va turmush tarziga oid maslahatlarni birlashtiradi. Bu ta’limni xush kayfiyat bilan birlashtirmoqchi bo‘lganlar uchun yaxshi manba.

Janob Panda

O‘zbekistondagi Microsoft hamjamiyat rahbari Janob Panda foydali kontent va yumorni birlashtiradi. Uning kanalida ta’lim va ko‘ngilochar postlarning ajoyib uyg‘unlashuvi bo‘lib, uni keng auditoriya uchun qiziqarli va foydali bo‘lishiga xizmat qiladi. Muhammadkarim, shuningdek, Instagramdagi @mukhammadkarim_tukhtaboyev sahifasida o‘z hayoti va tavsiyalari bilan o‘rtoqlashadi.

Ramziddin — Dasturlash haqida

Ramziddin yumor va turmush tarzi elementlari orqali dasturlash haqida foydali ma’lumotlar bilan o‘rtoqlashadi. Uning kanali dasturiy ta’minotni oson va qiziqarli tarzda ishlab chiqish haqida ko‘proq ma’lumot olishni istaganlar uchun foydali bo‘ladi. Ramziddin, shuningdek, strimlar ham tashkilib qilib, unda o‘z kuzatuvchilar bilan birga turli kodlar yozadi va ularni sinovdan o‘tkazadi.

Yetim dasturchi kundaligi

Yumor elementlari va muallifning shaxsiy qaydlari bilan yuritiladigan dasturlash bo‘yicha foydali ta’lim kontenti. O‘quv jarayonini yanada qiziqarli qilish uchun nafaqat amaliy ko‘rsatmalar, balki ko‘ngilochar materiallarni ham izlayotganlar uchun mos keladi.

Azimjon Pulatov

Muallif IT-mutaxassis hayoti bilan o‘rtoqlashadi. Google, Amazon kabi kompaniyalarning ofislariga tashrif buyurish va ularda ishlash haqida hikoya qiladi. IT-mutaxassislar bilan uchrashuvlar o‘tkazadi. Bundan tashqari, kanalda dasturlash sohasida rivojlanmoqchi bo‘lganlar uchun foydali maslahatlar va tavsiyalarni topish mumkin.

Жахонгир Рахмонов

Foydali jamlanmalar va IT-sanoatining turli jihatlari bo‘yicha ma’lumotlarni o‘z ichiga olgan ta’lim kontenti. Texnologiya sohasida rivojlanishga intiladigan va barcha so‘nggi tendensiyalardan xabardor bo‘lishni istaganlar uchun mo‘ljallangan kanal.

JoshDeveloper

Dasturiy ta’minotni ishlab chiqish bo‘yicha maslahatlar va ma’lumotlar. Sohada o‘z bilimlarini chuqurlashtirish va amaliy tavsiyalarni topishni istaganlar uchun mo‘ljallangan kanal.

Khumoyun Codes

Muallif dasturlash sohasidagi bilim va tajribasi bilan o‘rtoqlashadi. Bu yerda sohada faoliyatini yangi boshlaganlar va tajribali dasturchilarga o‘z ko‘nikmalarini mustahkamlashga yordam beruvchi materiallar, foydali maslahatlar va amaliy misollarni topish mumkin. Kanal dasturlashda rivojlanishga intiladigan va murakkab vazifalarning yangi yechimlarini izlayotganlar uchun mos keladi.